देवा तुझ्या दारी आलो
देवा तुझ्या दारी आलो, तुझ्या दर्शनासी।
जीव झाला वेडा माझा तुला भेटण्यासी।।
रूप तुझे रहावे सदा माझ्या अंतरात।
जन्म माझा जावो सदा तुझ्या स्मरणांत।।
मागतो मी देवा तुला एक वरदान।
मुखी सदा राहो देवा तुझे गुणगान।।
माया मोहाची ही बेडी तोडी भवबंध।
तुझ्या चरणाची सेवा हाचि माझा छंद।।
ठेवी देवा माझ्यावरी कृपेचा तू हात।
तुझ्या दर्शनाने होई चित्त माझे शांत।।
राहो मन माझे तुझ्या भजनांत दंग।
ढोलकीच्या नादी गातो सिद्धाचा अभंग।।
राहो माझ्या ध्यानी मनी प्रभूंचे चरण।
देई मला थोडे तरी ज्ञानाचे ‘किरण’।।
Recent Comments